ფრანგულად ფილმის სათაური „Adieu, plancher des vaches!“ ნიშნავს „მშვიდობით, ძროხების საძოვარო!“ – ასე ამბობენ  ფრანგი მეზღვაურები, როცა ნაპირს ტოვებენ, რაც მიგვანიშნებს იმაზე, რომ პერსონაჟები საკუთარი რეალობიდან გაქცევას ცდილობენ. ეს ოთარ იოსელიანის ელეგანტური, მსუბუქი და ამავდროულად ცინიკური კომედიაა. მაყურებლისთვის საინტერესო იქნება თავად ოთარის ნახვა ეკრანზე. ის საოცარი არტისტიზმით თამაშობს კაცს, რომელსაც მობეზრდა თავისი სოციალური სტატუსი. მისი   ჩუმი, ირონიული და ცოტა სევდიანი პერსონაჟი არის განსახიერება იმისა, რომ ბედნიერება არა ფულში, არამედ იმ უბრალო ჭიქა ღვინოშია, რომელსაც მეგობართან ერთად სვამ.