ფრანგი კრიტიკოსები აღნიშნავენ, რომ ქართველმა რეჟისორმა პარიზზე უფრო „პარიზული“ ფილმი გადაიღო, ვიდრე ეს თავად ფრანგებმა შეძლეს. ფილმის სათაური აღებულია შექსპირის „ჰენრი IV“-დან. „მთვარის ფავორიტები“ ქურდებსა და ავანტიურისტებს ჰქვიათ. ოთარ იოსელიანისთვის ეს მეტაფორაა — ყველა თამაშობს: ქურდი  პატიოსან კაცს, პოლიციელი — დამნაშავეს. რეჟისორი გვეუბნება, რომ ადამიანური ვნებები, სიხარბე და სიყვარული საუკუნეების მანძილზე არ იცვლება. ფილმი მიჰყვება ნივთების გზას დროსა და სივრცეში. ჩვენ კი მხოლოდ დროებითი სტუმრები ვართ ამ ნივთების არსებობის გრძელ გზაზე.